மும்பை டூ புனே – அஜீத்தின் ‘கரண்ட்’ ஷெட்யூல்

தீபாவளி கொண்டாட்டத்திற்கு தயார் என அறிவிப்பு கொடுத்துவிட்டு ‘ஆரம்பம்’ படத்தின் இறுதிக்கட்ட போஸ்ட் புரொடக்ஷன் வேலைகளை முடுக்கிவிட்டுள்ளார் இயக்குனர் விஷ்ணுவர்தன். அதன் ஒரு பகுதியாக தற்போது ஆரம்பம் படத்திற்கான டப்பிங் மும்பையில் நடந்து வருகிறது. தன்னுடைய போர்ஷனுக்கு டப்பிங் பேசுவதற்காக இப்போது மும்பையில் முகாமிட்டிருக்கிறார் அஜீத்.

இன்னும் இரண்டு நாட்களில் இந்தப்படத்தின் டப்பிங் வேலைகளை முடித்துக்கொடுத்துவிட்டு சிறுத்தை சிவா இயக்கும் ‘வீரம்’ படத்திற்காக புனே பறக்கிறார் அஜீத். அங்கே அஜீத், தமன்னா சம்பந்தப்பட்ட சில காட்சிகளும் ஒரு பாடலும் படமாக்கப்பட இருக்கின்றன. இதற்காக கிட்டத்தட்ட இரண்டு வாரங்கள் புனேவில் டெண்ட் அடிக்கவிருக்கிறார் அஜீத்.