ராகேஷ் ரோஷன் இயக்கத்தில் ஹ்ரித்திக் ரோஷன் நடித்திருக்கும் ‘க்ரிஷ்-3’, இதுவரை 202.52 கோடி ரூபாய் மேல் வசூல் செய்து சாதனை படைத்திருக்கிறது. இதில் உள்நாட்டில் 166.52 கோடியும் வெளிநாடுகளில் 36 கோடியையும் வசூலித்திருக்கிறது ‘க்ரிஷ்-3’.
அத்துடன் ஒரே நாளில் அதிக வசூல் செய்த படம் என்ற ஷாருக்கானின் ‘சென்னை எக்ஸ்பிரஸ்’ சாதனையையும் முறியடித்திருக்கிறது. ஆனாலும் நான்கு நாட்களில் 100 கோடியை தொட்ட படம் என்ற சென்னை எக்ஸ்பிரஸ் சாதனையை முறியடிக்க முடியவில்லை. காரணம் ஐந்தாவது நாளில் தான் நூறு கோடியை தொட்டது ‘க்ரிஷ்-3’.
இந்த வெற்றிப்படத்தில் ஹ்ரித்திக் ரோஷனுடன், ப்ரியங்கா சோப்ரா, விவேக் ஒபராய், கங்கனா ராவத் மற்றும் பலர் நடிக்க ராகேஷ் ரோஷன் தயாரித்து, இயக்கியிருந்தார். ‘க்ரிஷ்’ பட வரிசையில் வெளிவரும் மூன்றாம் பாகம் என்பதால் படம் வெளியாவதற்கு முன்பே ரசிகர்களிடையே பெரும் எதிர்பார்ப்பு நிலவி வந்தது. அதற்கேற்ற மாதிரி தற்போது படமும் பெரும் வரவேற்பைப் பெற்று, வசூலை வாரிக்குவித்து வருகிறது.
