இன்று தனது பிறந்தநாளை கொண்டாடுகிறார் ஜெயம் ரவி. ஜெயம் என்றாலே வெற்றிதானே.. அதையே தனது அறிமுகப்படத்தின் தலைப்பாக வைத்து, தனது பெயரிலும் அதை சேர்த்துக்கொண்டு முன்னணி நடிகராக வலம் வருகிறார் ஜெயம் ரவி.
ஜெயம் படத்திலிருந்து தமிழ்சினிமாவில் அவர் கடந்து வந்த பாதையில், அவரை திட்டமிட்டு வழிநடத்தி முன்னணி நடிகராக்கியவர் அவரது அண்ணன் இயக்குனர் ராஜா. ஆரம்பத்தில் காதல் கதைகளில் ஹீரோவாக வலம் வந்த ஜெயம் ரவி, பேராண்மை போன்ற சமூக பொறுப்புள்ள படத்தில், நடிப்பில் தனது புதிய பரிமாணத்தை வெளிப்படுத்தினார்.
சில மாதங்களுக்கு முன்பு வெளியான ஆதிபகவன் படத்தில்கூட வித்தியாசமான நடிப்பை வெளிப்படுத்திருந்த ஜெயம் ரவி, தற்போது நிமிர்ந்து நில், பூலோகம் ஆகிய படங்களில் நடித்துவருகிறார். இன்று பிறந்தநாள் காணும் ஜெயம் ரவி, எல்லா வளமும் பெற்று நலமுடன் வாழ behind frames தனது பிறந்தநாள் வாழ்த்துக்களை தெரிவித்துக் கொள்கிறது.
