ஹேப்பி பர்த்டே ட்டூ பூரிஜெகநாத்..!

தெலுங்கு சினிமாவின் முன்னணி இயக்குனர்களில் ஒருவர் பூரிஜெகநாத். ஆக்‌ஷன் அதிரடியாகட்டும், அசத்தலான லவ் ஸ்டோரியாகட்டும் எல்லா ஏரியாவிலும் புகுந்து விளையாடுவது இவரது ஸ்டைல். ஆந்திராவில் மட்டுமே பிரபலமாகியிருந்த இவரை தமிழ் ரசிகர்களிடமும் அறிமுகப்படுத்தியது போக்கிரி படம்தான்.

தெலுங்கில் மகேஷ்பாபுவை வைத்து இவர் இயக்கிய ‘போக்கிரி’ படத்தின் அதிரடி வெற்றிதான் அந்தப்படத்தை இங்கே விஜய்யை வைத்து பிரபுதேவாவை ரீமேக் பண்ண வைத்தது. அதுதான் இந்தியில் சல்மான்கானை வைத்தும் ரீமேக் செய்ய வைத்தது. இது போதாதென்று கன்னடத்திலும்கூட ரீமேக் ஆனது.

இந்த வருடம் கடந்த சில மாதங்களுக்கு முன் தான், பூரிஜெகநாத் டைரக்‌ஷனில் அல்லு அர்ஜூன், அமலாபால் நடித்த, ‘இத்தரம்மாயிலதோ’ படம் ரிலீஸ் ஆனது. ஆந்திர முன்னணி இளம் ஹீரோக்கள் இவரது படங்களில் நடிக்க தவம் இருக்க, இவரோ தற்போது தெலுங்கில் புதுமுகங்களை வைத்து ‘ரோமியோ’, ‘ஹார்ட் அட்டாக்’ என இரண்டு படங்ளை இயக்கிவருகிறார். இன்று பிறந்தநாள் காணும் பூரிஜெகநாத்திற்கு நமது behind frames தனது பிறந்தநாள் வாழ்த்துக்களை தெரிவித்துகொள்கிறது.