சிம்புவுடன் சேர்ந்துகொண்டு நகைச்சுவை நடிகராக வலம் வரும் தயாரிப்பாளர் வி.டி.வி.கணேஷ், இப்போ ‘இங்க என்ன சொல்லுது’ங்கிற படத்தை தயாரிச்சு ஹீரோவாகவும் நடிக்கிறார். அவரோட நெருங்கிய நண்பரான சந்தானமும் இந்த படத்துல முக்கிய வேடத்தில நடிக்கிறார். வின்சென்ட் செல்வா இயக்கும் இந்தப்படத்தில், வி.டி.வி. கணேஷுக்கு ஜோடியா மீரா ஜாஸ்மின் நடிக்கிறார். 45 வயதுக்குப் பின் கல்யாணம் செய்துகொள்ளும் ஒருவனின் கலாட்டாதான் இந்தப்படத்தின் கதை.
இந்தப்படத்தில் முக்கியமான கேரக்டரில் சிம்புவும் நடிக்கிறார் அத்துடன் “குட்டி பயலே… குட்டி பயலே” எனத் தொடங்கும் ஒரு பாடலை தானே எழுதி பாடவும் செய்திருக்கிறார். இந்தப்பாடல் படத்தின் ஹைலைட் பாடலாக அமையும் என்கிறார்கள். இதுநாள் வரை அறிவிக்கப்படாமல் இருந்த, அல்லது ரகசியமாக வைக்கப்பட்டிருந்த ஒரு விஷயம் இப்போது வெளிவந்திருக்கிறது. ஆமாங்க. இந்த்ப்படத்துல சிம்புவுக்கு ஜோடியா ஆண்ட்ரியா நடிக்கிறார்.
இதற்காக சிம்புவுடன் இதுவரை ஜோடியாக நடித்திராத, ஆனால் அனைவருக்கும் தெரிந்த ஒருவர் கிடைத்தால் நன்றாக இருக்கும் என நினைத்த வி.டி.வி.கணேஷ் அதற்கு ஆண்ட்ரியாதான் சரியான தேர்வு என முடிவு செய்திருக்கிறார். சிம்பு, ஆண்ட்ரியா இருவரும் கெஸ்ட் ரோலில் நடிக்கவில்லை என்றும் அதிகநேரம் வரக்கூடிய முக்கியமான கேரக்டர்களில்தான் நடிக்கிறார்கள் என்றும் கணேஷ் கூறுகிறார். மேலும் இதுவரை எடுக்கப்பட்ட காட்சிகளில் இவர்கள் இருவருக்கும் இடையே அற்புதமான கெமிஸ்ட்ரி ஒர்க் அவுட் ஆகியிருக்கிறது என்றும் சந்தோஷப்படுகிறார் கணேஷ்.
