‘திருமணம் எனும் நிக்காஹ்’ இசையை வாங்கியது ‘திங்க் மியூசிக்’

87

பல பிரமாண்ட வெற்றிப்படங்களை தயாரித்த நிறுவனம் தான் ஆஸ்கார் பிலிம்ஸ். தற்போது ஜெய், நஸ்ரியா நடிப்பில் ‘திருமணம் எனும் நிக்காஹ்’ என்ற படத்தை தயாரித்து வருகிறது இந்நிறுவனம். இந்தப்படத்தை புதுமுகம் அனீஸ் என்பவர் இயக்குகிறார். ஜிப்ரான் இசையமைத்திருக்கிறார்.

நல்ல கதை அம்சம் உள்ள காதல் படங்களுக்கு என்றுமே மவுசு உண்டு. அதுவும் தரமான நகைசுவை, கதையின் இழையாக இருந்து, படத்தின் இசையும் கூடுதலாக சரியாக அமைந்து விட்டால் வெற்றி உத்திரவாதம் என்பதில் சந்தேகமே இல்லை. திருமணம் எனும் நிக்கா மேற்கூறிய அனைத்து வெற்றி அம்சங்களையும் கொண்டு உள்ளது.

இப்படத்தின் இசையை think music நிறுவனத்தினர் மிகுந்த போட்டிக்கு இடையே வாங்கி உள்ளனர். இந்த படத்தின் இசைபற்றி சிலாகித்து பேசும் இயக்குனர் அனீஸ், “இந்தப்படத்தின் மயிலிறகு போல் வருடும் மெல்லிய இசையும் அதனுடன் இணைந்து வரும் இதுவரை கேட்டிராத புதிய இசை அனுபவமும் படத்தின் பாடல்களுக்கு மட்டுமல்ல படத்தின் வெற்றிக்கும் உரமாக இருக்கும்” என்கிறார்.

Leave A Reply

Your email address will not be published.