ஐந்து மொழிகளில் உருவாகும் விஷாலின் ‘லத்தி’

நடிகர்கள் ரமணா, நந்தா இணைந்து தயாரிக்கும் ராணா புரொடக்‌ஷன்ஸ் முதல் தயாரிப்பில் விஷால் நடிக்கும் புதிய படதிற்கு ’லத்தி’ என்று தலைப்பு வைக்கப்பட்டுள்ளது. இப்படம், தமிழ், தெலுங்கு, மலையாளம், கன்னடம் மற்றும் இந்தி என ஐந்து மொழிகளில் தயாராகிறது.

விஷால் இப்பொழுது, தீபாவளிக்கு வெளியாகும் ‘எனிமி’ படத்தின் தமிழ், தெலுங்கு டப்பிங் வேலைகள் செய்து வருகிறார்.
மற்றும் ’வீரமே வாகை சூடும்’ படத்தின் இறுதி கட்ட வேலைகள் நடை பெற்று வருகிறது. இதை தொடர்ந்து ’லத்தி’ படத்தின் இரண்டாம் கட்ட படபிடிப்பு நடைபெறும்.

விஷாலுக்கு ஜோடியாக சுனைனா நடிக்கிறார். இவர்களுடன் பிரபு முக்கிய கதாபாத்திரத்தில் நடிக்கிறார்.

சமீபத்தில் வெளியான பல வெற்றிப்படங்களில் பணியாற்றிய A.வினோத் குமார் இப்படத்தில் இயக்குநராக அறிமுகமாகிறார். அவரே கதை, திரைக்கதை எழுதுகிறார். வசனம்: A.வினோத் குமார், பொன்பார்த்திபன்.

சாம் CS இப்படத்திற்கு இசையமைக்க, பாலசுப்பிரமணியெம் ஒளிப்பதிவு செய்கிறார். திலீப் சுப்பராயன் ஸ்டண்ட் காட்சிகளை அமைக்கிறார். எடிட்டிங்:N.B.ஶ்ரீகாந்த் கலை:எஸ்.கண்ணன்.