ஜல்லிக்கட்டு பின்னணியில் விஜயகாந்த் மகன் நடிக்கும் ‘மதுர வீரன்’..!

‘சகாப்தம்’ படத்தின் மூலம் கதாநாயகனாக அறிமுகமானவர் விஜயகாந்தின் இளைய மகன் சண்முக பாண்டியன். அடுத்து இவர் கதாநாயகனாக நடித்துவரும் புதிய படத்துக்கு, ’மதுரவீரன்’ என்று பெயர் சூட்டப்பட்டு இருக்கிறது. ஒளிப்பதிவாளர் பி.ஜி.முத்தையா இயக்கம் இந்தப்படத்தின் பர்ஸ்ட் லுக் போஸ்டரை விஜயகாந்த் அவர்கள் வெளியிட்டார்

இந்த படத்தில், சண்முக பாண்டியன் ஜோடியாக புதுமுகம் நாயகி மீனாட்சி நடிக்கிறார். இவர்களுடன் சமுத்திரகனி, ‘வேல’ராமமூர்த்தி, மைம்கோபி, பி.எல்.தேனப்பன், மாரிமுத்து, ’நான் கடவுள்’ ராஜேந்திரன், பாலசரவணன் ஆகியோர் முக்கிய கதாபாத்திரங்களில் நடிக்கிறார்கள். படத்தை டைரக்சன் பண்ணுவதுடன் ஒளிப்பதிவு செய்யும் பொறுப்பையும் ஏற்றிருக்கிறார் பி.ஜி.முத்தையா.

ஜல்லிக்கட்டு விளையாட்டை கருவாக கொண்ட படம் இது வெளிநாட்டில் இருந்து சொந்த ஊருக்கு வரும் இளைஞராக சண்முக பாண்டியனின் கதாபாத்திரம் உருவாக்கப்பட்டு இருக்கிறது. படத்தின் இறுதிகட்ட படப்பிடிப்பு ஆகஸ்ட் முதல் வாரம் மீண்டும் மதுரையில் நடைபெறவுள்ளது. 15 நாட்கள் தொடர்ந்து படப்​பிடிப்பு நடைபெற்று நிறைவடையும்