‘நேரம்’ ஜோடியின் ஹாட்ரிக் சாதனை

இது போல அதிசயமாக எப்போதாவது தான் நிகழும். அப்படித்தான் நேரம் பட ஜாலி லவ்வர்ஸ் நிவின் பாலி, நஸ்ரியா இரண்டுபேரும் மூன்றாவது முறையாக ஜோடி சேர்ந்திருக்கும் நிகழ்வையும் எடுத்துக்கொள்ளவேண்டும். 2011ல் யூவ் என்ற மலையாள ஹிப்-ஹாப் ஆல்பத்துக்காக ஜோடிசேர்ந்த நிவின்,நஸ்ரியா இருவருக்கும் அந்த ஆல்பத்தை பார்த்துத்தான் நேரம் படத்தில் ஜோடியாக நடிக்கும் வாய்ப்பு வந்தது.

நேரம் படத்தில் இந்த ஜோடிக்கு கிடைத்த வரவேற்பு இப்போது இன்னொரு மலையாள படத்திலும் அவர்களை மீண்டும் ஜோடி சேர்த்திருக்கிறது. படத்தின் பெயர் ‘ஓம் சாந்தி ஓசானா’. இந்தப்படத்தை ஜூட் ஆண்டனி என்பவர் இயக்குகிறார். இந்தப்படத்தின் கதை நஸ்ரியாவை சுற்றியே பின்னப்பட்டிருக்கிறதாம். இந்த விஷயம் தெரிந்தாலும் கதை பிடித்துப்போனதால் அதைப்பற்றி கொஞ்சமும் அலட்டிக்கொள்ளாமல் ஹீரோவாக நடிக்க சம்மதித்து விட்டார் நிவின்.